Almaty oblysynyń sheneýnikteri sógis aldy
TALDYQORǴAN.QazAqparat - Almaty oblysynda kásipker jer ýchaskesiniń nysanaly maqsatyn ózgertpek bolǵan. Alaıda ákimdiktegiler tıisti memlekettik qyzmet kórsetpegen, dep habarlaıdy QazAqparat tilshisi.
Oblystyq kásipkerler palatasynyń baspasóz qyzmetiniń málimetinshe, 2017 jyldyń qyrkúıek aıynda kásipker Jambyl aýdanynyń ákimine jer ýchaskesiniń nysanaly maqsatyn ózgertý úshin ótinish bergen. Alaıda jergilikti atqarýshy organ Jer kodeksiniń 97 baby, 3-tarmaǵyna silteme jasap, azamattyń aryzyn qabyldamaı tastaǵan. Ákimdikte máselesi sheshilmegen azamat óńirlik kásipkerler palatasyna júgingegen. Palata ókilderi Memlekettik qyzmet isteri jáne sybaılas jemqorlyqqa qarsy is-qımyl agenttigininiń departamentine jer qatynastary bóliminiń qyzmetine tekserý júrgizý jóninde hat joldaǵan. Oblystyq departamenttiń málimetinshe, memlekettik qyzmetti negizsiz túrde kórsetpeý jaǵdaıy anyqtalmaǵan. Biraq Almaty oblysy Jambyl aýdanynyń jer qatynastary bólimi men ákimdik apparatynyń qyzmetkerleri tarapynan memlekettik qyzmet kórsetý protsedýrasynda zańbuzýshylyq faktisi oryn alǵan.
«Jer ýchaskesiniń nysanaly maqsatyn ózgertý boıynsha sheshimdi berý» memlekettik qyzmetin kórsetý nátıjesi boıynsha buzýshylyq faktisi anyqtaldy. Memlekettik qyzmet standartynyń 3-tarmaǵy boıynsha memlekettik qyzmet oblystardyń, Astana jáne Almaty qalalarynyń, oblystyq mańyzy bar aýdandar men qalalardyń atqarýshy organdarymen, aýdandyq mańyzy bar qalalardyń, poselkelerdiń, aýyldardyń, aýyldyq okrýgterdiń ákimderi kórsetedi. Qujattardy qabyldaý jáne memlekettik qyzmettiń nátıjelerin berý qyzmet kórsetýshiniń keńsesi, ıaǵnı jergilikti atqarýshy organ arqyly júzege asyrylady», - delingen memlekettik organ jaýabynda.
Kásipkerler palatasynyń Kásipkerlerdiń quqyǵyn qorǵaý jáne ákimshilik kedergilerdi azaıtý jónindegi bólimniń sarapshysy Dýman Kerimbaevtyń sózinshe, ákim atyna jazylǵan ótinishke jer qatynastary bóliminen jaýap qaıtarylǵan. Jer kodeksiniń talaptary boıynsha ýchaskeniń nysanaly maqsatyn ózgertý boıynsha teris nemese oń sheshim shyǵarý boıynsha jaýap jergilikti atqarýshy organ, ıaǵnı ákim tarapynan berilýi tıis.
Atalǵan jaıtqa baılanysty Jambyl aýdany ákiminiń ókimimen jumysta jiberilgen kemshilikter boıynsha jer qatynastary bóliminiń basshysyna jáne ákim apparatynyń bas mamanyna sógis jarııalandy.
