Almaty oblysynyń sharýalary megapolıs turǵyndaryna arzan kókónis jetkizip berýge kelisti
ALMATY. QazAqparat - Almaty oblysynyń sharýalary megapolıs turǵyndary úshin arzan baǵamen kókónister jetkizýge kelisti, dep habarlaıdy QazAqparat tilshisi qalalyq Aýyl sharýashylyǵy basqarmasyna silteme jasaı otyryp.
Endi Almaty halqy úshin oblys sharýalary jyl boıy ekologııalyq taza qyzynaq pen qııardy arzan baǵada jetkizip turmaq. Búgin qalalyq ákimdikte Uıǵyr aýdanyndaǵy 7 jylyjaı kesheninde ósetin kókónisterdi jetkizý jóninde memorandýmǵa qol qoıyldy. Azyq-túlik beldeýi men aımaqaralyq yntymaqtastyqty damytý baǵdarlamasy aıasynda qol qoıylǵan kelisim nátıjesi boıynsha jaqyn arada qalada barlyq iri saýda oryndaryna kókenister úzdiksiz jetkizile bastaıdy.
Almaty qalasynyń Aýyl sharýashylyǵy basqarmasy jetkizilgen ónimder naryq baǵasynan 15 paıyz arzan bolatynyn málimdedi. Óıtkeni, taýarlar deldalsyz óndirýshiden saýda ornyna tikeleı jetkizilmek.
«Aldaǵy ýaqytta osyndaı kelisimderdi Almaty oblysynyń ózge de aýdandarymen jáne Qazaqstannyń ózge de aımaqtarymen jasaý josparlanyp otyr», - delingen habarlamada.
