Almaty oblysynyń shalǵaı eldi mekenderinde vaktsınatsııa qarqyndy
TALDYQORǴAN. QazAqparat - Almaty oblysynyń ortalyǵynan 320 shaqyrym jerde ornalasqan Baqanas aýylynda turǵyndar óz erkimen koronavırýsqa qarsy ekpe alyp, belsendilik tanytýda. Qazirgi tańda 30 myń halqy bar Balqash aýdanynyń 2 myń turǵyny vaktsınanyń birinshi komponentin aldy, dep habarlaıdy QazAqparat tilshisi.
«Bul indetti toqtaý úshin barlyq halyq vaktsına alý kerek shyǵar. Sodan keıin ǵana indetten arylarmyz»,- dedi Baqanas aýylynyń turǵyny Názıpa Aqylbaeva.
Jalpy, aýdanda 4 statsıonarlyq jáne eki jyljymaly egý pýnktý qyzmet kórsetýde.
Al Almaty oblysy boıynsha ekpe alǵandar sany 140 myńnan asty. 20 myń turǵyn vaktsınanyń ekinshi komponentin saldyrǵan. Óńirdegi ekpe pýnkter sany 172-ge jetti.
«Halyq ekpege ózi kelip jatyr. Quıǵan aýylyna baryp salǵanymyzda 200 adam keldi. Halyq ózderi túsinip, vaktsınasyz bul aýrýdy toqtatýǵa múmkin emestigine kózderi jetip jatyr»,- dedi Balqash aýdandyq aýrýhanasynyń bas dárigeri Dáýren Imanalıev.
Eske salaıyq, bıylǵy 1 aqpanda Qazaqstanda koronavırýs ınfektsııasyna qarsy «Spýtnık V» reseılik vaktsınasymen egý bastaldy.
Otandyq «QazVac» vaktsınasymen egý 26 sáýirden júrgiziledi.
