Almaty oblysynyń Sarqan aýdanynda 6 myń tonna júgeri jınalmaq
TALDYQORǴAN. QazAqparat - Almaty oblysynyń Sarqan aýdanynda 6 myń tonnadan astam júgeri jınalmaq, dep habarlaıdy QazAqparat tilshisi.
Saıaly Sarqan aýdany aýyl sharýashylyǵyna qolaıly jer bolǵandyqtan, halyqtyń basym bóligi osy salada jumys isteıdi.
Bıyl sharýalar barlyq egilgen daqyldyń kólemi arttyryp, qambaǵa mol ónim jınalatynyn kútýde.
2019 jyly aýdan boıynsha 800 ga júgeri sebilse, bıylǵy jyly onyń kólemi 1547 ga jetken. Odan 6 myń tonnadan astam ónim jınaý josparlanyp otyr.
«Júgeri jınaý jumystary qarqyndy júrip jatyr. Alqaptarda 20-dan astam tehnıka jumys isteýde. Jınalǵan ónimderdiń basym bóligi, maldyń azyǵyna jóneltilmek. Negizgi daqyldardy jınaýdy qazan aıynyń sońyna deıin aıaqtaýdy josparlap otyrmyz.
Sondaı-aq, aýyspaly egistikti qolǵa alyp jatqan sharýalar kóp. Osynyń arqasynda jerdiń qunarlyǵy saqtalyp, tozyp ketpeýine paıdasy tıedi. Osy oraıda, biz aýdandyq jer qatynastary bólimimen birlesip, jumystar jasap jatyrmyz. Bizdiń tarapymyzdan túsindirý jumystary udaıy júrgizilýde», - dedi aýdandyq aýyl sharýashylyǵynyń bólim basshysy Jandos Ómirsadyq.
Búgingi kúni júgeri jınaý naýqany bastalyp, qazan aıynyń sońyna deıin aıaqtalmaq.
Sharýalar tuqymdy kóbine Reseı elinen jáne jergilikti jerden tasymaldaıdy.
Aıta ketken jón, júgeri egetin sharýa qojalyqtarynyń sany jyl saıyn artyp, búgingi kúni onyń sany 31-ge jetken.
