Almaty oblysynyń Raıymbek aýdanynda jer silkindi
QR Bilim jáne ǵylym mınıstrligine qarasty «Seısmologııalyq tájirıbe-ádistemelik ekspedıtsııasy» MM seısmıkalyq stansalar jelisi 8 aqpan kúni Almaty ýaqyty boıynsha 21 saǵat 39 mınýtta jer silkinisin tirkedi.
Jer dúmpýiniń epıtsentri - Almaty qalasynan 255 shaqyrym jerde, Almaty oblysynyń Raıymbek aýdanynda ornalasqan.
Jer silkinisiniń energetıkalyq klasy - 8.8.
MPV magnıtýdasy - 3.9.
Tereńdigi - 25 shaqyrym.
«Jer dúmpýi turǵyndarǵa sezilgen joq» dep habarlady Almaty oblystyq tótenshe jaǵdaılar departamentiniń baspasóz qyzmeti.
Almaty oblysynyń tótenshe jaǵdaılar departamenti aqparatty alǵannan keıin jergilikti atqarýshy organdardy, polıtsııa departamentin, Qazseldenqorǵaý, prokýratýra jáne basqa da uıymdardy habardar etti.
Vedomstvonyń málimetinshe, qıraǵan ǵımarattar men zardap shekkender týraly habar túspegen.
Jer silkinisi kezinde ne isteý kerek?
- ǵımarattan shyǵyńyz (15-20 sekýndta);
- joǵarǵy qabatta qalǵan jaǵdaıda balany qushaqtap alyp, esik oıyǵynyń ornyna nemese irgeli qabyrǵalardan quralǵan buryshta turyńyz;
- eshqandaı jaǵdaıda tereze janynda turmańyz jáne balkonnan sekirmeńiz.
- ǵımarattardan, qurylystardan, baǵanalar men qorshaýlardan alys ketińiz;
- úıge kirmeńiz: dúmpýler qaıtalanýy múmkin;
- jedelsatyny paıdalanbańyz;
- sirińke, sham jaǵýǵa bolmaıdy;
- symǵa qol tıgizbeńiz;
- zardap shekkenderge alǵashqy kómek kórsetińiz.
