Almaty oblysynyń Raıymbek aýdanynda eshqandaı tornado soqqan joq - ákimdik
TALDYQORǴAN. QazAqparat - Almaty oblysynyń Raıymbek aýdanynda alapat quıyn soqpaǵan. Áleýmettik jelide tarap jatqan osyndaı vıdeoǵa qatysty aýdan ákimdigi túsinik berdi, dep habarlaıdy QazAqparat tilshisi.
Raıymbek aýdany ákiminiń baspasóz qyzmeti taratqan málimet boıynsha, bul vıdeo montajdalǵan. Al kadr sońyndaǵy qulaǵan aǵashtar sýreti Raıymbek aýdanynda byltyr soqqan qatty daýyl saldarynan bolǵan.
«2020 jyldyń 3 shildesinde keshki 17:00 shamasynda aýdanǵa qarasty Oıqaraǵaı ormanynda daýyl jelden 32,7 tekshe metr Jataǵan shyrsha (Shrenk shyrshasy) qulaǵan. Qazirgi tańda zańǵa sáıkes ondaǵy qulaǵan aǵashtardy kesý jumystary júrip jatyr», - dep málim etti aýdan ákiminiń baspasóz qyzmetinen.
