Almaty oblysynyń prokýrory Uly Otan soǵysynyń ardagerine páter kiltin tapsyrdy

ALDYQORǴAN. Mamyrdyń 4-i. QazAqparat /Sandýǵash Dúısenova/ - Jeńis kúniniń 65 jyldyq mereıtoıynyń qarsańynda Almaty oblysynyń prokýrory Erlik Kenenbaev búkil ómirin prokýratýra qyzmetine arnaǵan Uly Otan soyǵysynyń ardageri Bıahmet Sarymsaqovqa eki bólmeli páter kiltin tabystady, dep habarlaıdy QazAqparat tilshisi.

Maıdangerdi jyly shyraıly qarsy alǵan Erlik Kenenbaev soǵys ardagerin kele jatqan - Mamyrdyń 9-y jalpyulttyq merekesimen jeke quttyqtaý qurmetine ıe bolyp otyrǵanyna qýanyshty ekenin jetkizdi.

Soǵystyń jylnamasynda jetisýlyqtardyń jasaǵan erlikteri altyn áriptermen jazylǵan. Bizdiń júz jıyrma myń jerlesimiz óz erikterimen maıdanǵa attanǵan, olardyń jartysy úılerine qaıtyp oralmady, - dep atap ótti ol. - Barlyǵymyz jaqyndarymyzdyń áńgimelerinen osy Jeńistiń bizge qalaı kelgendigin jaqsy bilemiz. Endi qazir bizdiń jas memleket soǵys jáne tyl ardagerlerin qoldaý úshin qoldan kelgenniń bárin jasaýda. Maıdangerlerdiń kóptegen áleýmettik máselelerin sheshý úshin kómektesedi. Búgingi is-shara sonyń dáleli, - dedi oblys prokýrory.

Oblystyq prokýratýrada túsindirgendeı, Erlik Kenenbaev ardagerdiń kóp jyldardan beri baspana ala almaı júrgenin estip, oblys ákimi Serik Úmbetovtyń atyna B.Sarymsaqovqa páter berý týraly ótinishin bildirgen.

Bıahmet Sarymsaqov óz kezeginde oblys prokýratýrasyna, baspanaǵa ıe bolǵanyn bylaı qoıǵanda, ózinen úlken áriptesterin umytpaı, ártúrli merekelik sharalarǵa shaqyryp, qoldaý kórsetip turatyndyqtary úshin alǵysyn bildirdi.