Almaty oblysynyń prokýratýrasy 7 myńnan astam balanyń quqyǵyn qorǵady
Vedomstvo málimetinshe, Almaty oblysynyń kásipkerleri, mektepke deıingi uıymdardyń qyzmetin uıymdastyrý boıynsha 2 jastan 3 jasqa deıingi balalardy mektepke deıingi oqytý men tárbıeleýge memlekettik tapsyrys sheńberinde balabaqshalardy qarjylandyrýdyń bolmaýy týraly máseleni birneshe ret kótergen.
«Máseleniń ózektiligin eskere otyryp, oblys prokýratýrasy jáne Kásipkerler palatasy muny bıznestiń júıeli problemalarynyń tizilimine engizdi. Qalyptasqan jaǵdaıdy jergilikti atqarýshy organ «Sapaly bilim» ulttyq jobasynyń normalary boıynsha birinshi kezekte qarjylandyrýmen 3 - 6 jas aralyǵyndaǵy balalar qamtylǵanyn túsindirdi. Sondyqtan qoldanystaǵy 956 jeke balabaqsha 2 jastan 3 jasqa deıingi balalarǵa memlekettik tapsyryspen qamtamasyz etilmegen. Osy sebepti 2-3 jastaǵy balalardyń edáýir sany úshin mektepke deıingi tárbıe men bilim berý qoljetimsiz bolyp qaldy. Óıtkeni barlyq ata-ananyń balabaqshaǵa aıyna 40-tan 50 myń teńgege deıin aqy tóleý múmkindigi bolmaǵan», - dep habarlady Almaty oblystyq prokýratýradan.
Oblys prokýratýrasynyń qadaǵalaý aktisi boıynsha 2 jastan 3 jasqa deıingi 3 710 balany tárbıeleýge jáne oqytýǵa 2,1 mlrd teńge kóleminde qarajy bólindi. 2023 jyl ishinde bólingen aqshanyń jalpy somasy 7 420 bala úshin 4,3 mlrd teńge bolady.
Osylaısha, prokýrorlar 7 420 balanyń konstıtýtsııalyq quqyǵy men 956 kásipkerdiń zańdy múddelerin qorǵady
