Almaty oblysynyń prokýratýrasy 3 638 tulǵanyń konstıtýtsııalyq quqyǵyn qorǵady
TALDYQORǴAN. 1 tamyz. QazAqparat - Almaty oblysynyń prokýratýrasy 3 638 adamnyń konstıtýtsııalyq quqyǵyn qorǵady. 118 mln. teńgeden astam somada jalaqy tólendi.
Oblys prokýrorynyń kómekshisi Tasqyn Jókeev málim etkendeı, eńbek zańnamasyn buzǵany úshin memlekettik organdardyń 32 laýazymdy tulǵasy tártiptik jaýapkershilikke tartyldy. 108 tulǵa ákimshilik jáne 27 tulǵa materıaldy jaýapkershilikke tartyldy.
Jalaqy mólsherin birneshe ret keshiktirip, ýaqytynda bermeı, ol qarajatty basqa maqsattarǵa jumsaǵan jumys berýshilerge qatysty QR QK-niń 148 babynyń 3 bólimi boıynsha 4 qylmystyq is qozǵaldy.
Máselen, Іle aýdanyndaǵy «Remqurylystehnıka» AQ-da júrgizilgen eńbek zańnamasyn tekserý barysynda anyqtalǵandaı, jumys berýishi 2012 jyldyń qańtar aıynan bastap 18 152 942 teńge somasynda 393 qyzmetkerdiń jalaqysyn bermegen. Qarajattyń jumsalýy jónindegi qujattarǵa qaraǵanda 2012 jyldyń basynan beri AQ-nyń kassasyna 86 mln.-nan astam teńge túsken. Kásiporyn bul qarajatty óndiristiń basqa shyǵyndaryna jumsaǵan.
