Almaty oblysynyń polıtsııasynda 200-den asa bos jumys orny bar
TALDYQORǴAN. QazAqparat - Almaty oblysynyń polıtsııasy jas kýrsanttarmen tolyqty. Tártip saqshylarynyń qataryna 50-den astam azamat qabyldandy, dep habarlaıdy QazAqparat tilshisi.
«Jalpy alǵanda, Almaty, Qaraǵandy, Qostanaı akademııalarynda jáne Aqtóbe ınstıtýtynda oqıtyn 53 kýrsant keldi. Kelgen barlyq kýrsanttar bizdiń Departament bergen baǵyt boıynsha bilim alǵandar. Endi olar qalalyq jáne aýdandyq polıtsııa bólimshelerinde dıplomdyq is-tájirıbeden ótedi. Qorytyndysy boıynsha olardyń ishki ister organynda qyzmetke saı keletindigi týraly naqty sheshim qabyldanatyn bolady»,- dedi ІІD-de ótken baspasóz konferentsııasynda Kadr jumysy basqarmasy bastyǵynyń orynbasary Jandos Nuǵılanov.
Búgingi kúni oblystyq polıtsııada 200-den asa bos jumys orny bar. Ásirese, ýchaskelik polıtsııa ınspektorlary, tergeý jáne jol-patrýldik qyzmetkeleri jetispeýde.
Budan basqa, JOO-nyń dıplomy bar 114 túlegi polıtsııada qyzmet etýge nıet bildirdi. Qazirgi kezde olar tıisti synaqtardan, medıtsınalyq komıssııadan ótýde. Olardyń fızıkalyq daıyndyǵy tekserilýde. Synaqtan ótken kandıdattar jumysqa qabyldanady.
Qazaqstan Respýblıkasynyń zańnamasyna sáıkes QR ІІM-niń oqý oryndarynyń túlekteri polıtsııada keminde bes jyl qyzmet etýge mindetti. Olaı bolmaǵan jaǵdaıda quqyq qorǵaý organdarynyń oqý ornyn bitirgen túlekterden olardyń oqýy úshin memleketten jumsalǵan aqsha qarajaty tárkilenip alynady.
