Almaty oblysynyń polıtsııasy Uzynaǵashtaǵy atysqa pikir bildirdi
«Kýágerlerdiń aıtýynsha, janjal kisi óltirý deregi bolmaı turyp, birshama ýaqyt buryn bastalǵan. Konflıkt qatysýshylarynyń mektep qabyrǵasynan bastap arazdasqany jáne bir-birimen jaǵymsyz qarym-qatynasta bolǵany anyqtaldy. Sońǵy shılenis kezinde kúdikti atys qarýyn qoldanǵan. Sonyń saldarynan bir adam qaza bolyp, qalǵan ekeýi jaraqattandy», - dep habarlaıdy Almaty oblysy PD baspasóz qyzmeti.
Іshki ister mınıstrligi Uzynaǵashtaǵy jas jigittiń ólimine qatysty tergeý erekshe baqylaýda ekenin habarlaıdy.
Qazir óńir polıtseıleri kúdiktilerdi izdestirý boıynsha arnaıy is-sharalar júrgizip jatyr.
Esterińizge sala keteıik, buǵan deıin Uzynaǵashta atys bolyp, úsh adam aýrýhanaǵa túskenin, onyń bireýi jansaqtaý bóliminde kóz jumǵanyn habarlaǵan bolatynbyz.
