Almaty oblysynyń polıtsııasy mergenderin anyqtady
TALDYQORǴAN.QazAqparat - Almaty oblysynyń polıtsııasy mergenderin anyqtady. Halyqaralyq əıelder kúni qarsańynda ótken jarysta nəzik jandylar ózara synǵa tústi, dep habarlaıdy QazAqparat tilshisi.
Makarov tapanshasynan atý boıynsha jarysqa ІІD-niń barlyq bólimsheleriniń ókilderi qatysty.
Birinshi oryndy Jergilikti polıtsııa qyzmetiniń ókili Svetlana Jaksenova jeńip aldy. Al ekinshi jáne úshinshi oryndy Jyldam qımyldaıtyn arnaıy jasaq qyzmetkeri Aıgúl Nurmuhanova men Jedel josparlaý basqarmasynyń ınspektory Merýert Morıakovaǵa buıyrdy.
Qazirgi ýaqytta oblystyq polıtsııanyń jeke quramynyń 7,5%-yn áıelder quraıdy. Olardyń negizgi bóligi tergeý, shtab jáne kadr bólimshelerinde, jáne de kóshi-qon polıtsııasynda qyzmet etýde. 10-ǵa jýyǵy «polıtsııa polkovnıgi» ataǵyna jetip, qazir basshylyq laýazymdarda qyzmet etýde.
«Búgingi kúni áıel adamdar barlyq salada qyzmet etýde. Jaýyngerlik qarýdy, jekpe-jek urys tásilderin qoldana bilýi, psıhologııalyq jáne fızıkalyq daıyndyǵynyń bar bolýynyń ózi olardyń álsiz emestigin, árqashan qandaı-da bolmasyn jaǵdaıǵa daıyn ekendigin kórsetedi», - dep óz sózinde Almaty oblysy ІІD Arnaıy daıyndyq basqarmasynyń bastyǵy Madııar Qusaıynov atap ótti.
