Almaty oblysynyń polıtsııasy qarý urlap, qaraqshylyq jasaǵan Shý qalasynyń turǵynyn ustady
ASTANA. QazAqparat - Óńirde 24-26 shilde aralyǵynda júrgizilip jatqan «Іzdeý» operatsııasy barysynda 1991 jylǵy er azamat ustaldy, dep habarlaıdy Almaty oblystyq ІІD baspasóz qyzmeti.
Quqyq qorǵaýshylar bir táýlikte izdeý salynǵan 11 qylmyskerdi ustap, iz-túzsiz joǵalǵan 2 adamnyń turǵylyqty jerin anyqtaǵan.
«Raıymbek AІІB qyzmetkerleri Jambyl oblysy Shý qalasynyń 26 jastaǵy turǵynyn ustady. 2016 jyldyń qazan aıynda kúdikti toppen birge qarý qoldaný arqyly Narynqol eldi mekenindegi kásipkerdiń otbasyn tonap, zergerlik buıymdaryn, qarýlary men jalpy somasy 4 mln teńge bolatyn qarjysyn alyp ketken. Qazir ustalǵan azamat qamaldy», - dep habarlady ІІD baspasóz qyzmeti.
Іzdeý salynǵan kúdiktiniń 4 sybaılasy ótken jyly izi sýymaı ustalyp, jaýapqa tartylǵandyǵy anyqtaldy.
«Ustalǵan azamatqa qatysty QR QK 192-baby 3-tarmaǵy «Qaraqshylyq» men QR QK 291-baby 3-tarmaǵy «Qarýdy, oq-dárilerdi, jarylǵysh zattar men jarylys qurylǵylaryn jymqyrý ne qorqytyp alý» boıynsha qylmystyq tergeý júrip jatyr», - dep atap ótti polıtsııada.
