Almaty oblysynyń polıtsııasy Qarataý shyńyn baǵyndyrdy
TALDYQORǴAN. QazAqparat - Almaty oblystyq ІІD jedel den qoıý arnaıy jasaǵynyń qyzmetkerleri Qazaqstan polıtsııasynyń 25 jyldyǵy qurmetine Jońǵar Alataýy bókterindegi Qarataý shyńyna shyqty, dep habarlaıdy Qazaqparat tilshisi.
Arnaıy jasaq sarbazdary Almaty oblysy polıtsııasynyń jaýyngerlik jáne «Qazaqstan polıtsııasyna 25 jyl» logotıpi bar týdy ornatty. Teńiz deńgeıinen 3000 metrlik bıiktikte ornalasqan Qarataý shoqysyn baǵyndyrýǵa quzǵa shyǵýǵa jáne qıyn taýly jerlerde jumys isteýge daǵdylanǵan bar arnaıy jasaq músheleri qatysty.
«Taý shyńyna kóterilýdi bizdiń qyzmetkerler qazaqstan polıtsııasynyń mereıtoıyna arnady. Bul tek qana taý shyńyn baǵyndyrý ǵana emes, Zań men quqyqtyq tártiptiń kúzetinde turǵan barlyq Qazaqstan polıtsııasyna degen qurmet belgisi. Barlyq ІІO-nyń ardagerlerine, olardyń kásibıligine degen qurmet, keler urpaqty tárbıeleýdegi irgetas», - dedi Almaty oblysy ІІD-niń bastyǵy polıtsııa general-maıory Murat Urumhanov.
Taý shyńyna shyǵýǵa kóbine bala kezinen taýly aımaqtarda ósken, qyzmette erekshe kózge túsken JQAJ jaýyngerleri tańdaldy.
«Shyńdy baǵyndyrý usynysy Departament basshylyǵy tarapynan jasaldy. Buryndary alpınızmmen baılanysty bizdiń kásibı merekemizge arnalǵan mundaı aktsııa eshqashan ótkizilmegen. Bul bizdiń jaýyngerlerimizben jınalǵan jaı ǵana tájirıbe emes. Taý shyńyna shyǵyp biz polıtsııa qyzmetkerleriniń qandaı da qıyn tapsyrma bolmasa da baǵyndyra almaıtyn asýy joq ekendigin, qıyn bolsa da mindetti túrde oryndalatynyn dáleldedik», - dedi óz sózinde Almaty oblysy ІІD JQAJ-nyń komandıri polıtsııa maıory Medet Qamalbekov.
