Almaty oblysynyń polıtsııa qyzmetkerleri atyshýly qylmystyń betin ashty
TALDYQORǴAN. Shildeniń 27-si. QazAqparat /Sandýǵash Dúısenova/ - Polıtsııa qyzmetkerleri Almaty oblysy Ulttyq qaýipsizdik komıteti departamentimen birlese otyryp eki qylmys jasady degen kúdikpen izdeýde júrgen Jambyl aýdanynyń úsh turǵynyn qolǵa túsirdi.
Olar shildeniń 23-i kúni, Uzynaǵash aýylynda quryqtaldy.
Oblystyq ІІD baspasóz qyzmeti habarlaǵandaı, maýsymnyń 28-i kúni Almaty oblysy, Jambyl aýdany, Uzynaǵash kentiniń shetinen ishinde 22 jastaǵy boıjetken men 35 jastaǵy Jambyl Іshki ister departamenti aýdandyq bólimi ýchaskelik ınspektorynyń máıitteri bar «Mersedes-180» markaly avtokólik tabylǵan.
Qaza tapqandardyń denelerinen uryp-soǵý men pyshaq jarasynyń kóptegen izderi qalǵan. Qurbandardyń moıyndary kesilgen. Oqıǵa ornynan altyn áshekeıler, polıtsııa qyzmetkeriniń qyzmettik kúáligi jáne AKSÝ-74 Kalashnıkov avtomaty urlanǵan.
Ustalǵandardyń biri Uzynaǵash aýylynyń shetindegi «Qalpaq» zıratynan qarýdy jasyrǵan oryndaryn kórsetken.
Al taǵy bir qylmyskerdiń úıin tintý barysynda qylmystyń aıǵaǵy dep boljanyp otyrǵan pyshaq tabyldy.
