Almaty oblysynyń Polıtsııa departamenti Elbasy týraly sýretter kórmesin uıymdastyrdy
Kórmege Elbasynyń sýretteri, onyń týǵan jeriniń kórinisteri, oqyǵan jáne qyzmet atqarǵan oryndarda túsirilgen fotolar qoıyldy.
«Búgingi kórme jas qyzmetkerlerge patrıottyq tárbıe berý maqsatynda uıymdastyryldy. Bul jerde Elbasynyń tulǵasyn keńinen ashatyn, onyń táýelsiz elimizdiń damýyna qosqan súbeli úlesinen syr shertetin sýretter qoıyldy. Kórmeni tamashalaýǵa oblystyq Polıtsııa departamentiniń qyzmetkerlerimen qatar, jaqyn ornalasqan aýdandyq jáne qalalyq polıtsııa bólimsheleriniń jas qyzmetkerleri shaqyryldy. Olarǵa memleketimizdiń damý jolyndaǵy tuńǵysh Prezıdent róli týraly aqparat berildi»,- dedi Almaty oblysy PD bastyǵynyń orynbasary Oraz Joldasov.
Jas qyzmetkerler Tuńǵysh Prezıdent Nursultan Nazarbaevtyń Almaty oblysynda dúnıege kelgenin maqtan tutatyndaryn jetkizdi. Elbasynyń ómirimen jete tanysqan olar eńbek pen tabandylyq, asqaq arman bıikterdi baǵyndyrýǵa múmkindik beretini týraly oı túıdi.
