Almaty oblysynyń polıtseıleri joǵalǵan balany tapty
TALDYQORǴAN. QazAqparat - Almaty oblysynda polıtseıler iz-túzsiz ketken 16 jastaǵy jasóspirimdi tapty, dep habarlaıdy QazAqparat.
Osyǵan deıin Almaty oblysynda Jetisaıdan týystarynyń úıine ketken 16 jastaǵy bozbalanyń izdestirilip jatqany habarlanǵan bolatyn. Ámirjan Kýchakov 24 maýsym kúni saǵat 2-ler shamasynda Shymkentke jaqyn jerdegi Jetisaı qalasynan avtobýspen shyǵyp ketken. Jasóspirim Almaty oblysynyń Besaǵash aýdanynda turatyn ákesiniń týystaryna baryp qaıtpaq bolǵan. Qalaǵa kelgen soń ol taksıge otyrǵan da sodan ony eshkim kórmegen.
Almaty oblysynyń Іshki ister departamenti ókilderiniń habarlaýynsha, balanyń joǵalǵany týraly habar Qarasaı aýdandyq polıtsııasyna kelip túsken.
«Ámirjannyń telefon nómiri alynyp, onyń sońǵy ret telefonmen sóılesken adamdarymen baılanystyq. Sodan belgili bolǵany, Ámirjan dámhanalardyń birinde óziniń tanysyn kezdestirip, Túrkistan oblysy, Ordabasy aýdanynyń Amngeldi aýylyna tartqan. Jasóspirim sol jerden tabyldy. Polıtsııa qyzmetkerleri bolǵan jaı týraly balanyń ata-anasyna habar berip, jasóspirimdi úıine jetkizip tastady»,-dep túsindirdi ІІD-niń baspasóz qyzmeti.
