Almaty oblysynyń polıtseıleri turǵyndardy túsinistikpen qaraýǵa shaqyrdy

TALDYQORǴAN. QazAqparat - Almaty oblysynyń polıtseıleri Ýnıversıada qarsańynda óńirdegi baqylaýdy kúsheıtti. Búgin Almaty qalasyna jaqyn ornalasqan óńirdiń bes aýdanynda (Talǵar, Qarasaı, Іle, Jambyl jáne Eńbekshiqazaq) «Quqyqtyq tártip» sharasy bastaldy, dep habarlaıdy QazAqparat tilshisi.

Jalpy oblys boıynsha jedel jaǵdaıdy turaqtandyrýǵa jáne quqyq buzýshylyqty aldyn alý maqsatynda baǵyttalǵan shara barysynda polıtsııa qyzmetkerleri azamattardy tártip saqshylarynyń áreketterine túsinistikpen qaraýǵa jáne quqyq qorǵaý organdaryna múmkindiginshe kómek kórsetýge shaqyrýda.

«Ótkizilip jatqan sharaǵa bizdiń óńirimizdiń 1000-ǵa jýyq qyzmetkeri tartylǵan. Olar lıtsenzııalyq-ruqsat júıesi, esirtki bıznesine qarsy kúres pen uıymdasqan qylmysqa, krımınaldy jáne kóshi-qon polıtsııa jelisi jáne de jergilikti polıtsııa qyzmeti boıynsha tekserýlerdi uıymdastyrýda», - dep habarlady Almaty oblysy ІІD-niń baspasóz qyzmetiniń basshysy Aıman Myrzekova.

«Quqyqtyq tártip» jedel aldyn alý sharasy 6 qańtardan bastap 25 qańtar aralyǵyna deıin, Almaty oblysynyń aýmaǵynda jeke saıys túrleri ótetin (Talǵar aýdanyndaǵy «Alataý» jáne «Tabaǵan» shańǵy bazalary) «Ýnıversıada» ashylǵansha jalǵasady.