Almaty oblysynyń polıtseıleri mal urlyǵymen aınalysqandardyń sýretin jarııalady
TALDYQORǴAN. QazAqparat - Almaty oblysynyń polıtseıleri mal urlyǵymen aınalysqan 4 qylmystyq topty ustady, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, Almaty oblysy aýmaǵynda jyl basynan beri iri qara maldy urlaýdy kásip qylǵan 4 qylmystyq toptyń joly kesildi. Qazirgi ýaqytta olardyń 13 qylmysqa qatysy bary dáleldendi. «Jedel-izdestirý sharalary barysynda tártip saqshylary 4 qylmystyq toptyń múshelerin quryqtady. Olardyń jalpy sany 56 bas mal joǵalǵan 13 urlyq jasaǵany dáleldendi. Qylmystyq toptar jymysqy áreketterin Alakól, Qarasaı, Іle jáne Jambyl aýdandarynda jasaǵany áshkerelendi. Olardyń qylmystyq áreketteriniń saldarynan 4 mıllıonnan astam shyǵyn keltirilgeni belgili boldy. Zardap shegýshilerge 750 000 teńgeniń materıaldyq shyǵyny óndirildi. Mal urlyǵynyń basty sebebi mal ıesiniń beıjaılyǵy men óziniń malyn jaıylymǵa qaraýsyz jibere salatyny bolyp otyr Jyl basynan beri Almaty oblysy aýmaǵynda 77 mal urlyǵy tirkelip, onyń 40 deregi izi sýymaı ashyldy»,- dep málimdedi Almaty oblysy PD baspasóz qyzmeti.
Joǵaryda atalǵan qylmystyq top quramynda kelesi tulǵalar bolǵan.
Osy tulǵalardyń áreketterinen zardap shekkender bolsa, «102» nómirine nemese jergilikti polıtsııa bólimshesine habarlasýlaryńyzǵa bolady.
