Almaty oblysynyń polıtseıleri məńgilik alaý jaqty
TALDYQORǴAN. QazAqparat - Almaty oblysynyń polıtsııa qyzmetkerleri úshin saltanatty kún ishki ister salasynda erlikpen qaza tapqan qyzmetkerleri eskertkishiniń aldynda máńgilik alaý jaǵýmen bastaldy, dep habarlaıdy QazAqparat tilshisi.
«Táýelsizdik jyldarynda Almaty oblysynda qyzmettik mindetin atqarý barysynda 30-dan astam qyzmetker qaza boldy. Olar bizdiń esimizde máńgilik qalady. Sondaı-aq, búgin biz Qazaqstan polıtsııasynyń damýyna óz úlesin qosqan, aty ańyzǵa aınalǵan general Ábdiqadyr Bolsambekovtyń músinin ashtyq», - dedi Almaty oblysy ІІO-nyń ardageri B.Moldabekov.
Kásibı merekeni toılaý jas qyzmetkerlerdiń ant qabyldaýymen jalǵasty. 25 qyzmetker Otanyna adal qyzmet etýge ant berdi.
Sonymen qatar, osy kúni Almaty oblysyna jumys saparymen QHR Shyńjań-Uıǵyr avtonomııalyq ólkesiniń Qoǵamdyq qaýipsizdik basqarmasynyń delegatsııasy keldi.
Delegatsııany Almaty oblysy ákiminiń birinshi orynbasary Lázzat Turlashov qabyldady.
Resmı kezdesýdiń negizgi maqsaty eki respýblıka arasynda ekstremızmge, esirtki bıznesine, zańsyz kóshi-qonǵa qarsy kúres máseleleri boıynsha kelisim jasasý bolyp tabylady.
«Ekstremızmge, esirtki bıznesine, zańsyz kóshi-qonǵa qarsy kúres máseleleri búgingi kúni barlyq memleketter úshin ózekti. Qylmystyń shekarasy joq. Sondyqtan da, qaýipsizdikti nyǵaıtý maqsatymen biz kórshi memlekettermen kelisim jasaýdamyz. Bul yntymaqtastyq tek qana qaýipsizdikti kúsheıtip qana qoımaı, sondaı-aq, qylmyspen kúresýde tájirıbe almasýǵa sebep bolady. Ótken jyly biz QHR-ǵa issaparmen bardyq. Bizdiń olardan úırenerimiz kóp», - dep óziniń baıandamasynda Almaty oblysy ІІD bastyǵy Murat Urumhanov atap ótti.
Kórshi elden kelgen qonaqtar qaza bolǵan qyzmetkerlerge arnalǵan eskertkishke gúl shoqtaryn qoıýǵa qatysty. Qorǵas polıtsııa bólimin, ІІD-niń sport keshenin aralap, Jedel basqarý ortalyǵynyń, Kınologııa qyzmetiniń jumysymen tanysty.
