Almaty oblysynyń polıtseıleri qurmetke bólendi
TALDYQORǴAN.QazAqparat - Almaty oblysynyń polıtseıleri qurmetke bólendi. Buǵan deıin 5 qazan «Qylmystyq izdestirý qyzmeti» kúni bolyp atalyp ótetin. Bıyl bul qyzmetke 99 jyl toldy, dep habarlaıdy QazAqparat tilshisi.
Osyǵan oraı osy salanyń mamandary burynǵy dástúr boıynsha ózderiniń kásibı merekelerin eske túsirip, is-shara ótkizdi. Polıtsııanyń jedel qyzmetteriniń eń úzdik iz kesýshileri 9 aıdyń qorytyndysy boıynsha Іshki ister mınıstri jáne oblystyq Іshki ister departamentiniń basshylyǵy tarapynan marapattaldy.
Jedel qyzmetinde jetistikterge qol jetkizgeni úshin ІІD Krımınaldy polıtsııa basqarmasynyń bastyǵy polıtsııa polkovnıgi Asqar Nursapa «Quqyq tártibin qamtamasyz etýge qosqan úlesi úshin» medalimen marapattaldy. Onyń áriptesi Uıymdasqan qylmysqa qarsy kúres basqarmasynyń bastyǵy Eldar Abdıkenov Qazaqstan Respýblıkasy Іshki ister mınıstriniń gramotasyn aldy.
Oblystyń qalalyq, aýdandyq bólinisteri jedel qyzmetteriniń 120-ǵa jýyq qyzmetkeri gramotalar, alǵys hattar jáne aqshalaı syıaqylarmen marapattaldy.
Aıta ketý kerek, bıyl oblystyń jedel qyzmet qyzmetkerleri ózderiniń áriptesterimen birlese 10 myńnan astam túrli qylmystardy ashty.
