Almaty oblysynyń polıtseıleri kóshedegi kólikke oq atqan jasóspirimderdi anyqtady
TALDYQORǴAN. QazAqparat - Almaty oblysynyń polıtseıleri kóshedegi kólikke oq atqan jasóspirimderdi anyqtady, dep habarlaıdy QazAqparat tilshisi.
Oqıǵa Qarasaı aýdanynda bolǵan. Tosynnan daýys shyǵyp, kóshedegi kóliktiń júrgizýshi jaǵyndaǵy esigine zaqym kelgen. Júrgizýshi aýdandyq polıtsııaǵa habar bergen. Boljam boıynsha, kólikke oq tııýi múmkin degen nusqa qarastyryldy.
«Jedel izdestirý sharalary barysynda kólikke zalal keltirgen kúdiktiler anyqtaldy. Olar Qostanaı oblysynan qonaqqa kelgen 15-16 jastaǵy eki jasóspirim bolyp shyqty. Olardyń úıinen pnevmatıkalyq myltyq tárkilendi. Atalǵan derek boıynsha QR Qylmystyq kodeksiniń 202-babyna sáıkes sotqa deıingi tergeý amaldary júrgizilip jatyr»,- dep málim etti Almaty oblysy polıtsııa departamentiniń baspasóz qyzmetinen.
Aldyn ala tergeý barysynda anyqtalǵandaı, eki bozbala aýladaǵy nysanalardy atyp júrgen. Oqtardyń biri kólikke tıgen. Qazirgi ýaqytta kámelettik jasqa tolmaǵan eki bala zańdy ókilderine tapsyryldy.
