Almaty oblysynyń polıtseıleri kólik júk salǵyshynan uryp-soǵylǵan azamatty tapty
TALDYQORǴAN. QazAqparat - Qapshaǵaı qalasynyń mańynan tamyzdyń 14-inen 15-ne qaraǵan túni tártip saqshylary toqtatqan Daewoo Nexia avtokóliginiń júk salǵyshynan uryp-soǵylǵan er azamat tabyldy, dep habarlaıdy Qazaqparat tilshisi.
Polıtseıler birden qosymsha kúsh shaqyryp, kólikte otyrǵan tórt azamatty ustap, bólimshege jetkizdi. Tutqyndalǵandar tekserý barysynda Jambyl oblysynyń azamattary bolyp shyqty.
Olar Almaty qalasynda jaldamaly jumys istep, nápaqa taýyp júrgen. Al jábir kórgen azamat Almaty oblysy, Baqanas aýylynyń turǵyny bolyp shyqty. Kóliktegi tórteý oǵan jeke zatyn urlady dep kúdik keltirip, qala syrtyna alyp shyǵyp ózderinshe jazalamaq bolǵan. Sondyqtan kólik júk salǵyshyna qamap qoıǵan.
Dárigerler jábirlengen er adam denesiniń uryp soǵý barysynda kógergenin, túrli jaraqat alǵanyn rastap berdi.
Qazirgi tańda QR QK 389-baby, 3-shi tarmaǵy «Ózinshe bılik etý» jáne QR QK 125-baby «Adam urlaý» boıynsha tergeý bastaldy.
Kúdiktiler qamaýǵa alynyp, avtokólik aıyp turaǵyna qoıyldy.
