Almaty oblysynyń polıtseıleri qarttarǵa qamqorlyq kórsetti
TALDYQORǴAN. QazAqparat - Almaty oblysynyń polıtseıleri ózderin jańa qyrynan tanytty. Bar ónerlerin ortaǵa salyp, qarttarǵa qurmet kórsetti, - dep habarlaıdy QazAqparat tilshisi.
Tekeli qalasyndaǵy «Shapaǵat» qarttar úıine arnaıy barǵan tártip saqshylary jandy daýysta án shyrqap, kúmbirletip kúı oryndap, jabyrqaýly jandarǵa keremet áser syılady. Qarttar úıiniń turǵyndary óz kezeginde tártip saqshylaryna qoshemet kórsetip, alǵystaryn bildirdi. Polıtseılerdi jıi kelip, óner kórsetip turýǵa shaqyrdy.
Aıta ketý kerek, ıgi shara Táýelsizdiktiń 25 jyldyǵyna oraı «25 qaıyrymdy is» aktsııasy aıasynda uıymdastyryldy. Buǵan deıin Almaty oblysynyń Іshki ister qyzmetiniń ókilderi birneshe mekemege arnaıy bardy. Onyń ishinde «Aınalaıyn» balalar úıi, Analar úıi, «Qamqor» múmkindigi shekteýli jandarǵa arnalǵan ortalyǵy da bar. Jýyrda ǵana olar «Qamqor» úıiniń 25 tárbıelenýshisin kınoteatrǵa aparyp, tosynsyı jasady. Sońǵy birneshe jylda aımaq polıtseıleri «Qamqor» tárbıelenishýlerin qamqorlyǵyna alyp, kómek kórsetýdi dástúrge aınaldyrýda.
