Almaty oblysynyń polıtseıleri eki adamdy óltirdi degen kúdikpen qylmystyq topty ustady
TALDYQORǴAN. 13 aqpan. QazAqparat - Almaty oblysynyń polıtsııa qyzmetkerleri eki adamdy óltirdi degen kúdikpen qylmystyq topty ustap aldy.
Oblystyq ІІD-niń baspasóz qyzmeti habarlaǵandaı, Eńbekshiqazaq aýdanynyń Shelek aýylynda jergilikti turǵyndar jarym-jartylaı janýarlar tistegen, kúıip ketken adamdardyń súıekterin tapty. Sot-medıtsınalyq saraptamanyń qorytyndylary boıynsha, bul súıekter zorlyqpen óltirilgen er adam jáne áıeldiki. Óltirý faktisi boıynsha qylmystyq is qozǵaldy.
Kóp uzamaı polıtseılerdiń kúsh salýymen Almaty qalasynyń turǵyndary brolyp shyqqan jábirlenýshilerdiń esimderi anyqtaldy. Budan keıin, jedel-izdestirý sharalarynyń barysynda ІІD-niń tergeý basqarmasynyń qyzmetkerleri men Eńbekshiqazaq AІІB polıtseıleri birlese otyryp, tórt kúdiktini - úsh er adam jáne bir áıeldi qolǵa túsirdi. Olar óz kinálaryn moıyndady.
Tergeý barysynda jábirlenýshilerdiń býyndyryp óltirilgeni jáne Eńbekshiqazaq aýdanyna ákelingeni anyqtaldy. Qurbandarynyń denelerinen qutylý úshin kúdiktiler olardy órtep, súıekterin qalyń toǵaıǵa shashyp tastaýǵa áreket jasaǵan.
