Almaty oblysynyń polıtseıleri dámhananyń daıarshylary qoldy qylǵan iri aqshany zańdy ıesine qaıtardy
TALDYQORǴAN. QazAqparat -Almaty oblysynyń polıtseıleri jol boıyndaǵy dámhananyń daıarshylary qoldy qylǵan iri aqsha somasyn zańdy ıesine qaıtardy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, Aqsý aýdanynyń 46 jastaǵy turǵyny Eskeldi aýdanynyń kezekshi bólimine jol boıyndaǵy dámhanalardyń birinde kúrteshesi men iri qarajatynyń urlanǵany týraly aryzdanǵan. Oqıǵa ornyna jetken jedel top er adamnyń úıine qaıtyp bara jatyp, «Almaty-Óskemen» avtojolynyń boıynda ornalasqan dámhanalardyń birine kirgenin anyqtady. Tústengennen keıin er adam kúrteshesin jarty mıllıonnan astam teńge kólemindegi aqshasymen umytyp ketken. Ol biraz ýaqyttan keıin kúrteshesiniń joqtyǵyn baıqap, dámhanaǵa qaıta kelgen, biraq kúrteshesin tappaǵan. Ózine tıesili zatty qaıtarýyn ótingen er adamǵa mekeme ókilderi kúrtesheni de, aqshany da kórmegenderin jáne almaǵandaryn jetkizgen . Oqıǵa ornyna shaqyrylǵan polıtsııa qyzmetkerleri belsendi túrde izdestirý jumystaryn júrgizý kezinde, 20 jáne 22 jastaǵy eki daıashynyń klıent umyt qaldyrǵan kúrtesheniń qaltasynan iri aqsha somasyn kórip, ony urlaýǵa bel býǵandaryn anyqtaǵan. Sóz baılasqan ekeýi jertólede ornalasqan qosalqy bólmege aqshasy bar kúrtesheni jasyrǵan. Tergeý rásimderinen keıin tabylǵan kúrteshe men aqshany polıtsııa qyzmetkerleri zańdy ıesine qaıtaryp berdi. Kúdiktilerge qatysty QR QK 188-baby boıynsha tergeý amaldary júrgizilýde.
