Almaty oblysynyń polıtseıleri balalarǵa tosyn syı jasady
Atalǵan mekemede jańa týǵan jáne 4 jas aralyǵyndaǵy balalar tárbıelenedi. Barlyǵy ata-ana qaraýynsyz qalǵandar. Búgin osy sábıler úshin erekshe kún boldy. Іshki ister salasynyń qyzmetkerleri jáýdir kózderdiń kóńilin kóterý maqsatynda saıyqmazaqtardy shaqyryp, túrli qoıylym men oıyndar uıymdastyrdy. Óz kezeginde balalar úıiniń tárbıelenýshileri qonaqtarǵa ónerlerin kórsetti. Balalar úıiniń bas ádiskeri Súleımenova Gúljan Seıitqyzy uıymdastyrýshylarǵa sheksiz alǵysyn bildirip, jumystaryna sáttilik tilep, El Táýelsizdiginiń 25 jyldyq merekesimen quttyqtady.
Atalǵan shara Táýelsizdiktiń 25 jyldyǵyna oraı «25 qaıyrymdy is» aktsııasy aıasynda uıymdastyryldy. ІІD-niń qyzmetkerleri uıymdastyrǵan aktsııa oblystyń barlyq eldi mekeninde ótti. Aıasynda ata-ana qamqorlyǵynsyz qalǵan balalarǵa jáne múgedek jandarǵa, ardagerler men qarttarǵa, áleýmettik jaǵdaıy tómen otbasylarǵa kómek kórsetilip, qýanyshqa bólendi.
Oblystyń polıtseıleri osynaý ıgi sharany dástúrge aınaldyrmaq nıette.