Almaty oblysynyń polıtseıleri arnaıy maqsattaǵy bólimniń qurmetti ardageri Amanǵalı Batalovpen kezdesti
Oblystyq ІІD baspasóz qyzmetiniń málimetinshe, Amanǵalı Batalov qazaqstandyq arnaıy maqsattaǵy qyzmetin qurýshylardyń biri retinde kúshtik qurylymdar arasynda belgili. Ol «Alfa» KSRO MQK arnaıy maqsattaǵy bóliminde, QR UQK «Arystan», QR ІІM «Suńqar», PQQ-da (Prezıdentti qorǵaý qyzmeti) qyzmet etti. Onyń terrorıster basyp alǵan tutqyndardy bosatý boıynsha jasaǵan ádistemesi otandyq arnaıy maqsat bólinisteri men shetelderdiń arnaıy qyzmetinde oqý quraly retinde paıdalanylady.
«Áıgili ardagerdiń ómirbaıany kınofılmder men kitaptar jazýǵa bolatyn derekterge toly. Ol 300-den asa jaýyngerlik operatsııalarǵa qatysty, kóptegen jyldar boıy kúshtik qurylymdarda jáne memlekettiń birinshi basshylaryn qorǵaýǵa qyzmet etti. Jeke quramnyń osyndaı ómirlik jáne kásibı tájirıbesi baı adammen kezdesýi qyzmetkerler úshin ózderiniń kásibı deńgeıin arttyrýǵa óte paıdaly» - dep baıandady Almaty oblysy ІІD bastyǵy polıtsııa general-maıory Murat Urumhanov.
Kezdesý barysynda Amanǵalı Batalov zalda otyrǵan polıtsııa qyzmetkerleri men BAQ ókilderi qoıǵan birqatar suraqtarǵa jaýap berdi. Sonymen qatar, ol «Aıbyn» jáne 1992 jyly aqpan aıynda Shymkent qalasynda túrmeden qashyp ketken qylmyskerler tutqyndaǵan tulǵalardy bosatý boıynsha arnaıy operatsııany sátti aıaqtaǵany úshin alǵan Prezıdenttiń Qurmet gramotasy sııaqty kóptegen ókimettik nagradalarǵa ıe.
Amanǵalı Batalov Almaty oblysynyń polıtseılerine jaýyngerlik jáne qyzmettik daıarlyq boıynsha kómek kórsetedi. Sondaı-aq, «Arlan» arnaıy maqsattaǵy bólinisi men Jedel qımyldaıtyn arnaıy jasaq qyzmetkerlerine qajetti óziniń baı tájirıbesimen bólisetin bolady. Almaty oblysynyń polıtseıleri atynan Amanǵalı Batalovqa ıesi jazylýly qolsaǵat, «Eńbegi sińgen ardager» tósbelgisi men basqa da estelik syılyqtar tabystaldy.
Kezdesý sońynda áriptesteri daıyndaǵan polkovnık A. Batalovtyń ómiri týraly «Barlyǵyna belgili emes batyrlar» atty derekti fılm kórsetildi.
