Almaty oblysynyń polıtseıleri alaıaqtyq jasady degen kúdiktiniń sýretin jarııalady
TALDYQORǴAN. QazAqparat - Almaty oblysynyń polıtseıleri alaıaqtyq jasady degen kúdiktiniń sýretin jarııalady, dep habarlaıdy QazAqparat tilshisi.
Almaty oblysy PD Baspasóz qyzmetiniń málimetinshe, Kóksý aýdany Polıtsııa bólimine 37 jastaǵy jergilikti turǵyn alaıaqtyq deregi boıynsha aryzdandy. Osy qylmystyq quqyq buzýshylyq deregi boıynsha QR Qylmystyq kodeksiniń 190-babynyń 1-tarmaǵy boıynsha sotqa deıingi tergeý amaldary bastaldy.
Tártip saqshylary tergeý barysynda 1990 jyly týǵan azamattyń birqatar alaıaqtyq áreket jasaǵanyn anyqtaǵan. Atap aıtqanda, 2017 jyldyń qazanynda zardap shegýshige jer ýchaskesiniń jalǵan qujattaryn berý arqyly onyń qarjysyn zańsyz ıemdengen. Al, 57 jastaǵy keıýananyń senimine kirip, úıiniń qujattaryn jasap beremin dep iri kólemde aqshasyn alyp ketken.
Joǵaryda atalǵandardyń negizinde, Almaty oblysynyń polıtseıleri M. degen azamattyń jymysqy áreketterinen zardap shekkender bolsa, 8 (7283) 84 23 84 jáne 8-707-242-75-50 telefondaryna habarlasýdy surady.
