Almaty oblysynyń polıtseıleri adam saýdasyna qarsy aktsııa ótkizdi
TALDYQORǴAN. QazAqparat - Almaty oblysynyń polıtseıleri adam saýdasyna qarsy aktsııa ótkizdi, - dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, ishki ister organdary adam saýdasy, bas bostandyǵynan zańsyz aıyrý, jezókshelikpen aınalysýǵa tartý, prıtondar men jeńgetaılyq uıymdastyrý derekteriniń aldyn alý jáne anyqtaý maqsatynda respýblıka aýmaǵynda «STOP trafık» operatsııasynyń kezekti kezeńin júzege asyrýda.
«Jedel aldyn-alý is-sharasy aıasynda Almaty oblysynyń krımınaldyq polıtsııa qyzmetkerleri «Taldyqorǵan óńirlik áıelderdi qoldaý ortalyǵy» úkimettik emes uıymymen birlesip uıymdastyryldy. Panfılov aýdanynyń «Qorǵas» arnaýly ekonomıkalyq aımaǵynyń ótkizý pýnktinde adam saýdasyna qarsy kúres boıynsha senim telefonynyń logotıpi bar medıtsınalyq maskalardy, sondaı-aq broshıýralar men býkletterdi taratý boıynsha aktsııa ótkizdi»,-dep habarlaıdy Almaty oblysy PD Krımınaldyq polıtsııa basqarmasy bastyǵy polıtsııa polkovnıgi Ashat Danııar.
Polıtseıler jyl basynan beri Almaty oblysynyń aýmaǵynda jezókshelikpen jáne jeńgetaılyqpen aınalysý úshin prıtondar uıymdastyrýdyń nemese ustaýdyń 10 deregi tirkelgenin atap ótti. Atalǵan is-sharanyń negizgi maqsaty adam saýdasymen baılanysty qylmystardyń jolyn kesý jáne aldyn alý. Zańǵy qaıshy áreketterge tap bolǵan nemese qylmystar men quqyq buzýshylyqtar týraly qandaı da bir aqparat bilgen jaǵdaılarda senim telefonyna 116 16 habarlasý qajet.
