Almaty oblysynyń Panfılov aýdandyq sotynda quqyqtyq ortalyq ashyldy
JARKENT. QazAqparat - Almaty oblysynyń Panfılov aýdandyq sot zalynda quqyqtyq «Aqparat ortalyǵy» front-ofısi óz jumysyn bastady, dep habarlaıdy QazAqparat tilshisi.
Aqparattyq ortalyqta kásibı medıatorlar men advokattar turǵyndarǵa sondaı-aq, aryzdanýshylarǵa quqyqtyq aqparat berip, máseleniń aldyn alýǵa, eki tarapty tatýlastyrýǵa, daýly máselelerdi sotqa jetkizbeı sheshýge kómektesedi. Sonymen qatar, bul jer ózine-ózi qyzmet kórsetý buryshymen de jabdyqtalǵan.
«Medıatorlyq jumys barysynda óz basym 700-ge jýyq ártúrli isterdi qarap, sotqa jetkizbeı oń sheshim shyǵardym. Birin tatýlastyrdym, birin dostastyrdym. Bul jumystyń mańyzdylyǵy eldiń, halyqtyń birligin bekemdeý jáne soǵan úndeý», - deıdi kásibı medıator Erǵalı Sábdenbekov.
Aýdandyq sot tóraǵasynyń mindetin ýaqytsha atqarýshy Dınara Quıqabaeva ashylǵan ortalyqtyń jumysy ońtaıly ári ózderiniń jumystaryna birshama jeńildik beretinin jetkizdi.
Aıta ketý kerek, Dınara Quıqabaeva 2018 jyldyń qorytyndysy boıynsha «Jyl zańgeri» atanǵan bolatyn.
