Almaty oblysynyń myń gektar jeri Jambyl óńirine beriledi
Bul týraly shekaralardyń ózgerýi týraly Úkimet qaýlysynan belgili boldy, dep málimdeıdi Jambyl oblystyq Kásipkerler palatasynyń baspasóz qyzmeti.
«Almaty oblysynyń 1000 gektardan artyq jeri Jambyl oblysyna beriledi. «Almaty jáne Jambyl oblystarynyń shekaralaryn ózgertý týraly» sheshimdi el Úkimeti qabyldady. Qordaı aýdanyna Almaty oblysynyń 1091,78 ga jeri berildi. Qaýly aıasynda qazirgi ýaqytta tórt sýbektiniń ıeliginde turǵan 9 jer ýchaskesi beriledi, dep málim etti baspasóz qyzmeti.
Qazir Almaty oblysyndaǵy turǵyndarǵa memlekettik qyzmet kórsetý jumystary eldi mekennen 150 shaqyrym qashyqtyqtaǵy Uzynaǵash aýylynda júrgiziledi. Jer aýmaǵy aýystyrylǵan soń turǵyndar 80 shaqyrymdaǵy Jambyl oblysynyń Qordaı aýylyna qatynaıtyn bolady. Munymen qatar jergilikti halyq jaıylym jerlermen qamtamasyz etiledi, dep jazylǵan túsindirme hatta.
Eske sala keteıik, qazirgi ýaqytta Jambyl oblysynyń jer kólemi 144 264 sharshy shaqyrymdy quraıdy.
