Almaty oblysynyń memqyzmetkerleri tergeý oqshaýlaǵyshynda boldy
«Shalynyp qalma!» jobasy aıasynda ótken bul sharany QR Memlekettik qyzmet isteri jáne sybaılas jemqorlyqqa is-qımyl agenttigi Almaty oblysy boıynsha departamenti uıymdastyryp otyr.
Memlekettik qyzmetkerler Taldyqorǵan qalasyndaǵy SI-16 tergeý ızolıatorynda boldy. Túzetý mekemesindegi jaǵdaımen tanysyp,qamaýda otyrǵandardyń jaı-kúıin kórdi.
«Mundaǵy maqsat óńirdiń memlekettik qyzmetshileri men kvazımemlekettik sektor sýbektileriniń qyzmetkerleri arasynda sybaılas jemqorlyqqa qarsy mádenıetti qalyptastyrý. Sondaı-aq bas bostandyǵynan aıyrylyp, túzetý mekemelerinde bolýdyń aýyrtpalyǵyn sezindirý», -deıdi departamenttiń resmı ókili Symbat Israpýlova. Bıylǵy jyldyń alty aıynda osynaý bastamashyl shara aıasynda oblysta 45 memlekettik qyzmetshi túzetý mekemesine ekskýrsııa jasady. Mundaı kezdesý barysynda túzetý mekemeleriniń jeke quramymen de sybaılas jemqorlyqtyń aldyn alý boıynsha semınarlar uıymdastyrylyp, «Shalynyp qalma!» jobasynyń maqsat mindetteri túsindiriledi.