Almaty oblysynyń medıtsınalyq mekemeleri 8 jedel járdem kóligimen tolyqty
TALDYQORǴAN. QazAqparat - Almaty oblysynyń medıtsınalyq mekemeleri jańa jedel járdem kólikterimen jáne jabdyqtarmen tolyqty, dep habarlaıdy QazAqparat tilshisi.
Bul kómek «Samuryq-Qazyna» AQ men QR Densaýlyq saqtaý mınıstrligi arasyndaǵy yntymaqtastyq týraly memorandým aıasynda kórsetildi. «Samuryq-Qazyna» AQ kompanııalar toby qaıyrymdylyǵynyń biryńǵaı operatory – «Samruk-Kazyna Trust» Áleýmettik jobalardy damytý qory qajetti jabdyqtardy satyp alyp, olardy óńirlerge jiberdi.
Osylaı Almaty oblysyna 4 ókpeni jasandy jeldetý apparaty (ÓJJ), 5 ottegi kontsentratory, 60 pýlsoksımetr jetkizildi. Sondaı-aq, oblysqa Shevrolet Damas markaly 8 jedel járdem kóligi keldi.
«Samuryq-Qazyna» qory bergen apparattar aýrýhanalardyń materıaldyq-tehnıkalyq bazasyn jaqsartýǵa múmkindik beredi. Bul koronavırýstyq ınfektsııamen jáne pnevmonııamen kúreste halyqqa sapaly medıtsınalyq kómek kórsetýge yqpal etetini sózsiz. Gýmanıtarlyq kómek retinde berilgen medıtsınalyq apparattar oblystyń barlyq medıtsınalyq uıymdaryna taratylady», - dedi Almaty oblystyq Densaýlyq saqtaý basqarmasynyń basshysy Ómirzaq Nııazbekov.
Aıta keteıik, mundaı jıyntyqtardy árbir oblys, sondaı-aq respýblıkalyq mańyzy bar qalalar alady.
«Bul sharalardyń barlyǵy bizdiń medıtsınamyzdyń juqpaly aýrýlarmen, sonyń ishinde COVID-19 koronavırýstyq ınfektsııamen kúresýge daıyndyq deńgeıin arttyrýǵa jáne ulttyq densaýlyq saqtaý júıesin nyǵaıtýǵa baǵyttalǵan», - deıdi «Samruk-Kazyna Trust» qorynyń resmı ókili Mıras Іrgebaev.
Eske sala keteıik, Memorandým aıasynda respýblıkanyń Densaýlyq saqtaý júıesin uıymdastyrýǵa 100 jedel járdem kóligi, 1 000 ottegi kontsentratory, 50 ÓJJ apparaty, 1 000 pýlsoksımetr jetkiziletin bolady.
