Almaty oblysynyń qutqarýshylary Shyǵys Qazaqstanǵa attandy
TALDYQORǴAN. QazAqparat - Almaty oblysynan 19 qutqarýshy Shyǵys Qazaqstan oblysyna attandy, dep habarlaıdy QazAqparat tilshisi.
«Almaty oblystyq TJD 19 qutqarýshysy keshe keshkisin jolǵa shyqty. Olar kómek kórsetýge jáne sý tasqyny saldarymen kúresýge attandy. Mamandarmen qosa, 3 arnaıy tehnıka, 15 motopompa, qajetti qural-jabdyqtar men tehnıkalar. súńgýirlerdiń kıimderi de jiberildi», - dep málim etti oblystyq TJD baspasóz qyzemtiniń ókili Azamat Jurtbaev.
Mamannyń sózinshe, 19 qutqarýshy 14 kúndik azyq-túlikpen qamtamasyz etilgen.
Aıta ketý kerek, Shyǵys Qazaqstan oblysy Shemonaıha jáne Glýbokoe aýdandarynda jergilikti aýqymda tabıǵı sıpattaǵy tótenshe jaǵdaı jarııalanǵan bolatyn. https://kaz.inform.kz/news/shko-nyn-glubokoe-audanynynda-totenshe-zhagday-zhariyalandy_a3196677
