Almaty oblysynyń qutqarýshylary qystaqtardy aralady
TALDYQORǴAN. QazAqparat - Almaty oblysynyń qutqarýshylary órt qaýipsizdigin pysyqtaý maqsatynda qystaqtardy aralap shyqty.
Jeńil kólik júre almaıtyn sharýa qojalyqtaryna olar atpen jáne qarda júretin arnaıy tehnıkamen jetti, dep habarlaıdy QazAqparat tilshisi.
Qysta peshti tek jeke turǵyn úı sektorynyń turǵyndary ǵana emes, shalǵaıdaǵy qystaqtarda malshy qaýym da jaǵady. Sondyqtan Almaty oblystyq tótenshe jaǵdaılar departamentiniń mamandary Taldyqorǵan mańyndaǵy qystaqtar men sharýashylyqtardy aralap shyǵyp, órt qaýipsizdigin túsindirdi.
Sharaǵa qatysqan oblystyq TJD Taldyqorǵan garnızonynyń 60 qyzmetkeri atqa minip, arnaıy qarda júretin kólikti tizgindep, joly joq qary qalyń qojalyqtarǵa baryp, aqparattyq paraqshalar taratty.
«Mundaı ádis olardyń jumysyn nátıjeli etip, tótenshe jaǵdaıdyń aldyn alýǵa múmkindik beredi», deıdi sala mamandary.
Al sharýashylyq basshylary men malshy qaýym bul reıdtik sharalarǵa túsinistikpen qarap, kemshilikterdi joıyp, qaýipsizdikti saqtaýǵa senim bildirgen.
