Almaty oblysynyń quramasy QBF kýbogynyń jartylaı fınalyna shyqty
ASTANA. QazAqparat - Búgin «Qazaqstan boks federatsııasy kýbogy-2014» dodasynyń jartylaı fınalyna sońǵy joldama sarapqa salyndy. «D» tobyndaǵy synda Almaty oblysynyń quramasy qaraǵandylyqtardan 7:3 esebimen basym tústi, - dep habarlaıdy QBF baspasóz qyzmeti.
«D» tobyndaǵy taǵy bir jup - Atyraý oblysy men SQO boksshylary arasyndaǵy kezdesýde 9:1 esebimen atyraýlyqtar jeńiske jetti.
Sondaı-aq, Oralda «B» tobynyń komandalary baq synasyp, Astana quramasy BQO bylǵary qolǵap sheberlerin 8:2-men qapy qaldyrdy. Buǵan deıin bul toptan Jambyl oblysynyń saıypqyrandary merziminen buryn jartylaı fınalǵa ótken bolatyn. Endi olar jartylaı fınalda almatylyqtarmen tájikelesedi.
½ fınaldyń kelesi juby - Aqmola jáne mańǵystaý oblystarynyń quramasy.
Jartylaı jáne fınaldyq kezdesýler dástúr boıynsha Astanada 14-15 jeltoqsan kúnderi ótedi. 5-ret ótkizilgeli otyrǵan QBF kýbogyn jeńip alǵan komandaǵa 25 mln. teńge júlde beriledi.
