Almaty oblysynyń kúnderi aıasynda Astanada dástúrli aýyl sharýashylyq jármeńkesi ótýde
ASTANA. QazAqparat - «Qýatty óńir Qýatty Qazaqstan» aktsııasy aıasynda Almaty oblysynyń Astana qalasyndaǵy kúnderi jalǵasýda. Shara baǵdarlamasyna sáıkes, búgin oblys ákimi Amandyq Batalov elordanyń Táshenov kóshesiniń boıynda ornalasqan qazaq halqynyń uly aqyny, jyr alyby Jambyl Jabaevtyń eskertkishine gúl shoqtaryn qoıdy. Sonymen qatar, búgin eki kúnge jalǵasatyn oblystyq aýyl sharýashylyq taýarlarynyń jármeńkesi de óz jumysyn bastady.
Eske sala keteıik, bıyl Jambyl Jabaevtyń 170 jyldyń mereıtoıy álemdik qaýymdastyq deńgeıinde atylyp ótýde. Aǵymdaǵy jyldyń tamyz aıynda Memleket basshysy Nursultan Nazarbaev Belgrad qalasynda aqynnyń eskertkishin ashý saltanatyna qatysqan bolatyn. Halyq «Jyr alyby» atap ketken tulǵanyń týǵan óńiri - Almaty oblysynda da mereıtoıǵa arnalǵan sharalar kesheni ótýde. Astanadaǵy aqyn eskertkishine qurmet sonyń bir aıǵaǵy.
«Qýatty óńir qýatty Qazaqstan» aktsııasy aıasynda eki kúnge josparlanǵan Almaty oblystyq taýar óndirýshilerdiń aýyl sharýashylyq jármeńkesi de búgin óz jumysyn bastady. Baýyrjan Momyshuly kóshesi boıyndaǵy Oqýshylar saraıynyń janyndaǵy alańda ótip jatqan jármeńkede elorda turǵyndaryna jalpy kólemi 340 tonna aýyl sharýashylyǵy ónimderiniń 38-den astam túri usynylady. Onyń ishinde, et jáne et ónimderi, balyq, kókónis, jemis-jıdek, sút ónimderi, jumyrtqa, bakaleıa ónimderi jáne t.b. edi. Taýarlar qaladaǵy bólshek saýda baǵalarynan 15-20 paıyzǵa tómen satylady. Budan bólek, aktsııa aıasynda kitap pen sándik-qoldanbaly óner kórmeleri, óńir ártisteriniń qatysýymen merekelik kontsertter ótýde.
Sonymen qatar, Almaty oblysynyń ókilderi elorda turǵyndary men qonaqtarynyń nazaryna mádenı baǵdarlamalaryn usynatynyn da eske salǵymyz keledi. Aıtalyq, búgin elordadaǵy Kongress-holl foıesinde «Taldyqorǵan keshe, búgin, erteń» kórmesi kópshilik nazaryna usynylady. Munda Taldyqorǵannyń damýynyń fototarıhymen, qalanyń kórikti jerlerimen, Qazaqstan halqy Assambleıasynyń kórmesimen, sondaı-aq Almaty oblysynda shyǵarylatyn ónimdermen tanysýǵa bolady. Kórme sońy Kongress-holl sahnasynda Almaty oblysy shyǵarmashylyq ujymdarynyń «Jetisý - jumaq mekenim» atty gala-kontsertine ulasady dep josparlanyp otyr.
