Almaty oblysynyń krımınaldyq polıtsııa qyzmetkerleri tapsyrys boıynsha jasalǵan qylmystyń betin ashty

Bul týraly búgin jýrnalıstermen bolǵan brıfıntge Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.

«Aqpannyń 1-inde Jarkent qalasyndaǵy úılerdiń birindegi jertóleden oq jaraqatymen 36 jastaǵy azamattyń máıiti tabyldy. Jedel-izdestirý is-sharalarynyń barysynda aqpannyń 18-inde Uıymdasqan qylmysqa qarsy kúres basqarmasynyń qyzmetkerleri úsh jergilikti turǵyndy ustady», -dedi ol.

Q. Jumanovtyń sózine qaraǵanda, onyń ishinde tapsyrys berýshi, ıaǵnı jábirlenýshiniń burynǵy jumys berýshisi, qylmysty oryndaýshy jáne kisi óltirýshige sholaq myltyq satqan azamat quryqtaldy.