Almaty oblysynyń «Kóshbasshy» jastary marapattaldy
TALDYQORǴAN. QazAqparat - Almaty oblysy ákiminiń «Kóshbasshy-2018» jastar syılyǵynyń ıegeri anyqtaldy. Atalǵan baıqaýǵa 200-ge jýyq jas qatysyp, 19-y úzdik dep tanyldy. Jeńimpazdardy óńir basshysy Amandyq Batalov quttyqtap, ár qaısysyna 250 myń teńgeniń aqshalaı syılyǵy men estelik statýetka tabystady, dep habarlaıdy QazAqparat tilshisi.
Kóshbasshy jastardyń ishinde «Úzdik jas jýrnalıst» nomınatsııasyn Jetisý telearnasynyń tilshisi Mádına Berikova jeńip aldy. Al «Úzdik jas memlekettik qyzmetshi» atalymy Almaty oblystyq ekonomıka jáne bıýdjettik josparlaý basqarmasynyń bas mamany Sáken Túkibaevqa buıyrsa, «Úzdik jas áskerı qyzmetshi» - Іle aýdany 2177 áskerı bóliminiń áskerı qyzmetshisi Rıshat Dantaev, «Úzdik jas kásipker» - «Qprint» polıgrafııalyq polıgrafııalyq qyzmet kórsetý ortalyǵynyń dırektory Dıas Qılybaev, «Úzdik jas sportshy» - Taldyqorǵan zań kolledjiniń 3-kýrs stýdenti Anel Qudaıbergen, «Úzdik jas ónerpaz» - Jambyl aýdany «Súıinbaı sazy» folklorly - etnografııalyq ansambliniń jeke daýystaǵy ánshisi Aqbota Serikbolova, «Úzdik jas ǵalym» - І.Jansúgirov atyndaǵy Jetisý memlekettik ýnıversıtetiniń doktoranty Barhýdar Gýsenov.
«Aýyl sharýashylyǵynyń úzdik jas mamany» - Qarasaı aýdany «Qazaq eginshilik jáne ósimdik sharýashylyǵy ǵylymı zertteý ınstıtýty» JShS-niń kishi ǵylymı qyzmetkeri Rahııa Elnazarqyzy, «Úzdik jas otbasy» - Kozbekovtar otbasy, «Úzdik jas dáriger» - Eńbekshiqazaq aýdanynyń ortalyq arýhanasynyń terapevt dárigeri Azamat Aýbakırov, «Úzdik jas ustaz» - І.Jansúgirov atyndaǵy Jetisý memlekettik ýnıversıtetiniń oqytýshysy Azamat Tleýbaev.
«Úzdik erikti» - Almaty oblysy pikir-saıys odaǵynyń tóraǵasy Erjan Daýletbaev, «Úzdik stýdent» - Panfılov aýdany Jarkent gýmanıtarlyq -tehnıkalyq kolledjiniń stýdenti Aıjan Turǵanbaeva, «Jas batyr» - Jansúgirov atyndaǵy Jetisý memlekettik ýnıversıtetiniń 3-kýrs stýdenti Eldar Abdıev, «Jasyl el» jastar eńbek jasaǵynyń úzdik sarbazy - І. Jansúgirov atyndaǵy Jetisý memlekettik ýnıversıtetiniń 2 kýrs bilimgeri Melis Aýkenov.
«Jas ulan» biryńǵaı balalar men jasóspirimder uıymynyń úzdik kóshbasshysy - Taldyqorǵan qalasy, №14 orta mekteptiń 9-synyp oqýshysy Baýyrjan Qadyrhanov, «Úzdik jastar isi jónindegi ádisker-nusqaýshy» - Aqsý aýdany Qapal aýyldyq okrýginiń jastar isi jónindegi ádisker-nusqaýshysy Meırambek Rahımbaev, «Aýdandyq jastar resýrstyq ortalyǵynyń úzdik mamany» - Sarqan aýdany jastar resýrstyq ortalyǵynyń jetekshisi Aslan Kúbentaev jáne «Jastar úkimettik emes uıymynyń úzdik kóshbasshysy» nomınatsııasyna «Almaty oblysy stýdentteriniń odaǵy» JQB tóraǵasy Eldar Saparov laıyq dep tanyldy.
«Bıylǵy «Kóshbasshy» syılyǵyn tapsyrý erekshe jaǵdaıda ótip otyr.
Prezıdentimiz «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda 2019 jyldy «Jastar jyly» dep jarııalap, 13 qarashada tıisti jarlyqqa qol qoıǵany belgili. Barshańyzdy osy tarıhı oqıǵamen shyn júrekten quttyqtaımyn. Prezıdentimizdiń tapsyrmasyna oraı oblysymyzda jastar saıasatynyń jemisti júzege asýy erekshe baqylaýda. Bul baǵytqa bólinetin qarjy kólemi jyldan jylǵa artyp, 2018 jyly 565 mln. teńgeni qurady. Elimizde alǵashqylardyń biri bolyp, Taldyqorǵannyń tórinen Jastarǵa qyzmet kórsetý ortalyǵy salyndy. Jastarǵa qyzmet kórsetý, kovorkıng jáne taǵy da basqa alańdar qurylyp, jastardyń bas qosyp, óz máselelerin sheshýge múmkindik aldy», - dedi «Kóshbasshy» jastardy quttyqtaǵan oblys ákimi Amandyq Batalov.
Aıta keteıik, «Kóshbasshy-2018» baıqaýynda 14 pen 29 jas aralyǵyndaǵy Almaty oblysynyń jastary qatysady. Sharanyń maqsaty memlekettik jastar saıasatyn júzege asyryp, jastardyń qoǵamdaǵy bedelin arttyrý, túrli salada qyzmet etip, kóptegen nátıjelerge qol jetkizgenderdi yntalandyrý.
Jalpy búgingi kúni Jetisý jerinde 418 myńnan astam jas bar, olardyń 332 myńy aýyldyq jerlerde turady.
