Almaty oblysynyń Kóksý ózenindegi bóget kúrdeli jóndeýden ótýde
TALDYQORǴAN. QazAqparat – Almaty oblysynda 1963 jyly qoldanysqa berilgen Kóksý ózeni boıyndaǵy bóget kúrdeli jóndeýden ótýde. Bul maqsatta respýblıkalyq qazynadan 515 mln teńge qarjy qarastyrylǵan, dep habarlaıdy QazAqparat tilshisi.
Plotınanyń gıdrotehnıkalyq qurylys jumystary «Jumyspen qamtýdyń jol kartasy-2020» baǵdarlamasy aıasynda júzege asýda.
Jóndeý jumystaryna barlyǵy 100 adam jumyldyrylǵan. Nysan qurylysynyń qyzǵan shaǵy qyrkúıek aıyna tuspa-tus kelmek.
Merdiger mekemeniń bas ınjeneri Maqsat Sadıevtiń aıtýynsha, jańa bóget aldyńǵysynan áldeqaıda berik jáne sapaly bolmaq.
«Tospanyń jalpy uzyndyǵy 60 metr, bıiktigi 6,8 metr. Al sýqoımaǵa 539 tekshe metr sý sııady.
Strategııalyq mańyzdy nysan qaıta jóndeýden ótip, iske qosylsa eldiń ál-aýqaty jaqsaryp, jańa jumys oryndary da ashylady»,- deıdi mamandar.
Kásiporyn basshysy jańa sý qoımasynda jumys isteıtin mamandardyń da jaǵdaıy qarastyrylǵanyn aıtyp otyr. Bógettiń basynda jáne tómengi jaǵyndaǵy sý taratý torabynda 4 bólmeli tórt baspana salynyp jatyr. Jalpy bógettiń jóndeý jumystaryn 2020 jyldyń jeltoqsan aıynda aıaqtaý kózdelgen.
