Almaty oblysynyń Kóksý aýdanynda jerasty sýlary kóterilip jatyr
TALDYQORǴAN. QazAqparat - Almaty oblysynyń Kóksý aýdanynda jerasty sýlary kóterilip jatyr. Bul týraly óńir basshysy Amandyq Batalovtyń esepti kezdesýinde aýdan sharýalary jetkizdi, dep habarlaıdy QazAqparat tilshisi.
Kóksý aýdanynda jerasty sýlary kóterilip, egis alqaptaryn jıi basyp qalýda.
«Kóksý aýdany boıynsha 196 shaqyrymdy quraıtyn 34 drenaj kanaly bar. Osy kanaldyń jaǵdaıy óte nashar. 30 jyldan astam ýaqyt tazalanbaǵan. Saldarynan egistik jerlerde jerasty sýlary kóterilip, tuzdanyp, qamys basyp jatyr», - dedi eseptik kezdesýde sharýa qojalyǵynyń jetekshisi Sekenbaı Sheńgelbaev.
Sharýa drenajdy qazý jumystarynyń jobalyq-smetalyq qujattarynyń daıyn ekenin jetkizip, Amandyq Batalovtan qarjy bólýge yqpal etýdi surady. Oblys ákimi bul másele nazarda ekenin aıtyp, bıylǵy jyldyń bıýdjetin naqtylaý barysynda drenajdy aryqtar qazýǵa qarjy qarastyrylatynyn atap ótti.
«Sýarmaly jerlerdiń bárin qalpyna keltirýge 200 mln teńge bólip beremiz. Bul máseleni jaqsy bilemiz. Jumys jasap jatyrmyz», - dedi Amandyq Batalov.
