Almaty oblysynyń Kóksý aýdanynda 19 kópbalaly otbasy baspanaly boldy
Balpyq bı aýyldyq okrýginde kópbalaly jáne baspanaǵa muqtaj 10 otbasyǵa, Muqanshy aýyldyq okrýginde 3 otbasyǵa, Musabek aýyldyq okrýginde 1 otbasyǵa, Eńbekshi aýyldyq okrýginde 2 otbasyǵa, Alǵabas aýyldyq okrýginde 1 otbasyǵa, Jarlyózek aýyldyq okrýgterinde 2 otbasyǵa páter kilti tabystaldy. Kópbalaly analarǵa berilgen úılerdiń aýlasy keń, turmysqa qolaıly.
Qonystoı qýanyshyna bólengenderdiń biri Ibraımovtar otbasy.
Asymjan men Aqbilek Ibraımovtar15 jyl buryn úılengen. 4 balany dúnıege ákep, tárbıeleýde. Olardyń bir perzenti týasynan múgedek. «Úılengeli beri páter jaldap turamyz, qarajat jınap baspana alýǵa esh múmkindigimiz bolmady. Otaǵasy Asymjan »Balpyq« JShS-da jaldamaly jumys jasaıdy. Men bala tárbıesimen úıdemin. Kishkentaıymyz jańa dúnıege keldi. Otaǵasynyń tabysy balalardyń kıimi, azyq-túlikpen ketedi. Búgin mine, baspanaly bolyp, baqytymyzǵa shek joq», - dedi Aqbilek Ibraımova.
Aıta keteıik, Kóksý aýdanynda jyl basynan respýblıkalyq bıýdjetten 247 mln teńge bólinip, kópbalaly baspanaǵa muqtaj 40 otbasyna baspana kilti tabystalsa, kásipkerlerdiń kómegimen 7 otbasy baspanaly bolǵan.
