Almaty oblysynyń Kegen aýdanynda kúre joldy sý shaıyp ketti
QONAEV. QazAqparat - Almaty oblysynyń Kegen aýdanynda respýblıkalyq mańyzǵa ıe jol jıegin sý shaıyp ketti, dep habarlaıdy QazAqparat tilshisi.
«Almaty oblysynyń Kegen aýdanynda respýblıkalyq mańyzy bar Kókpek - Kegen - Túp - Jalańash - Saty - Kólsaı kóli jolynyń 10-11 shaqyrym aralyǵyndaǵy jıekti 23 maýsym kúngi nóser jańbyr shaıyp ketti. Atalǵan ýchaskede jol qaýipsizdigin qamtamasyz etý maqsatynda tótenshe jaǵdaılardyń aldyn alý mekemesi, aýdan ákimshiligi, polıtsııa qyzmetkerleri, DEÝ-91 mekemesiniń ókilderi tarapynan kezekshilik uıymdastyrylyp, jol qozǵalysy qalpyna keltirildi. Jol qaýipsizdigin qamtamasyz etý maqsatynda tabıǵat saldarynan oryn alǵan jaǵdaıdy qalpyna keltirý jýmystary júrgizilýde»,- delingen Kegen aýdany ákiminiń baspasóz qyzmetiniń habarlamasynda.
