Almaty oblysynyń Kegen aýdanynda koronavırýs tirkeldi
TALDYQORǴAN. QazAqparat - 28 sáýir, saǵat 17:40-taǵy jaǵdaı boıynsha Almaty oblysynda 12 adamnyń koronavırýspen aýyrǵany anyqtaldy.
Naýqastardyń 3-ýi buǵan deıin COVID-19 indeti tirkelmegen Kegen aýdanynyń turǵyndary - dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, 12 adamnyń 3-eýi – Kegen aýdanynda, 8-i – Jambyl aýdanynda, 1-eýi Qapshaǵaı qalasynda tirkeldi.
Syrqattanǵandardyń jasy 27 men 56 jas aralyǵynda. Olar Kegen aýdandyq aýrýhanasynyń ınfektsııalyq bólimine, Jambyl aýdany Myńbaev aýylyndaǵy aýyldyq aýrýhananyń provızorlyq statsıonaryna, Shelek aýdandyq aýrýhanasynyń ınfektsııalyq bólimine jatqyzyldy.
Olarmen baılanysta bolǵan 55 adamnyń barlyǵy oqshaýlandyryldy.
Jalpy, Almaty oblysynda KVI juqtyrǵan azamattardyń sany 113-ke jetti.
