Almaty oblysynyń Kegen aýdanynda 15 otbasy baspanaly boldy
Búgin Kegen aýdanynyń ortalyǵynda «Nurly jer» baǵdarlamasy aıasynda salynǵan 15 úıdiń kilti kezekte turǵan otbasylarǵa saltanatty túrde tabystaldy. Turǵyn úıler negizinen áleýmettik jaǵynan qoldaýdy qajet etetin otbasylarǵa, kópbalaly januıalarǵa, sondaı-aq Ekinshi dúnıejúzilik soǵys ardagerlerine teńestirilgen Rysaldy Maldybekovaǵa berildi.
Osy kúni aýdandaǵy quqyq salasynyń bir-bir qyzmetkeri de úıli boldy. Qýanyshqa aýdan ákimi Talǵat Baıedilov qatysyp, mereke kúni baspanaly bolǵan otbasylardy qonystarymen quttyqtady. Mundaı ıgi is aldaǵy ýaqytta da jalǵasatynyn aıtty. Aýdan ortalyǵynda taǵy 36 turǵyn úı salynbaq.
Sondaı-aq shara barysynda 15 úıdi salǵan «SEM ShOǴY» qurylys servıs« JShS-niń dırektory Serik Jazyqbaev sóz alyp, aýdan ákimine estelik kiltti tapsyrdy.
Al qýanyshqa kenelgenderdiń biri Tımýr Aıtjanov osyndaı qoldaý men qamqorlyq úshin Memleket basshysyna, oblys, aýdan ákimine júrekjardy alǵysyn jetkizdi.
