Almaty oblysynyń Qasymbek aýylynda úsh aýysymdy mektep máselesi sheshildi
TALDYQORǴAN. QazAqparat - Almaty oblysynda úsh aýysymdy bilim berýdi azaıtý maqsatynda Jambyl aýdany Qasymbek aýylynda qoldanystaǵy mekteptiń irgesi 300 orynǵa keńeıtilip, janynan salynǵan jańa ǵımarat paıdalanýǵa berildi, dep habarlaıdy QazAqparat tilshisi.
Táýelsizdik merekesi qarsańynda iske qosylǵan jańa nysannyń ashylýyna qatysqan oblys əkimi Amandyq Batalovqa mektep dırektory Aıman Kenjenbaeva oqý kabınetteriniń materıaldyq-tehnıkalyq jabdyqtalýymen tanystyrdy. Hımııa jáne geografııa kabınetterindegi zamanaýı qurylǵylar, aǵylshyn tiliniń lıngafondy kabıneti, bastaýysh synyptyń sapaly kórnekilikteri balalardyń ýaqyt talabyna saı bilim alýyna qyzmet etpek. Sol sııaqty 13 tigin mashınkasy qoıylǵan sheberhana da oqýshylardy qol eńbegine baýlıdy. Ǵımaratta 100 oryndyq ashana, sondaı-aq basketbol, voleıbol jáne basqa da sport oıyndarymen aınalysýǵa múmkindik jasalǵan zamanaýı sport zaly bar.
Qasymbek aýylyndaǵy 520 oryndyq mektepte buǵan deıin 1100 bala oqyp kelgen. Jańa ǵımarattyń salynýyna baılanysty mekteptiń múmkindigi taǵy 300 orynǵa keńeıtildi.
Jyl basynda Jambyl aýdanyndaǵy 62 mekteptiń 10-y úsh aýysymda oqytatyn. Qazirgi tańda mundaı 7 mektep qalyp otyr. Úsh aýysymdy bilim berýdi joıý maqsatyndaǵy jumystar áli de jalǵasady.
