Almaty oblysynyń kásipkerlerine jarnama úshin zańsyz salyq alynǵan

QONAEV. QazAqparat- Almaty oblysynda salyq organdary kásipkerlik sýbektilerinen jarnama úshin zańsyz salyq óndirip otyrǵan. Bul týraly oblystyq prokýratýra málim etti, dep habarlaıdy QazAqparat tilshisi.

Qadaǵalaý organynyń málimetinshe, «Jarnama týraly» zańda jarnamanyń túrleri naqty aıqyndalǵan jáne mańdaıshalar syrtqy jarnamaǵa jatpaıdy.

«Alaıda, jergilikti atqarýshy organdar bıznes sýbektileriniń jarnamasy týraly aqparatty memlekettik kirister organdaryna joldaǵan kezde, mańdaıshany da jarnama retinde kórsetken. 220 kásipkerge qatysty osyndaı zańbuzýshylyq oryn alyp, prokýratýranyń qadaǵalaý aktisi negizinde búgingi kúni 60 kásipkerdiń derbes shotyna zańsyz óndirip alynǵan salyq artyq tólem retinde esepteldi»,- dep habarlady oblystyq prokýratýradan.

Qadaǵalaý organy osyndaı salyqty tóleýge mindettegen kezde prokýratýradaǵy kásipkerlerdiń quqyǵyn qorǵaýǵa baǵyttalǵan mobıldi toptarǵa júginýdi surady.