Almaty oblysynyń kásipkerleri Úlken Almaty kanalymen tıimdi baǵada shart jasasa bastady
QR Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń qyzmetkerleri jáne Eńbekshiqazaq aýdanynyń ákimdigimen, aýyl sharýashylyǵy basqarmasymen, D. Qonaev atyndaǵy Úlken Almaty kanaly «Qazsýshar» fılıalymen ırrıgatsııalyq jeliler salasynda júrgizilgen sybaılas jemqorlyqqa qarsy taqyryptyq monıtorıng jumysynyń oryndalýyn talqylaý boıynsha óńir sharýalarymen kezdesý ótkizdi.
Irrıgatsııalyq jelilerdiń qyzmet salasyna júrgizilgen monıtorıng negizinde 3 usynym ázirlengen bolatyn:
1. Barlyq sýarý jelilerin onyń teńgerimine bere otyryp, Almaty oblysynyń sý sharýashylyǵynyń biryńǵaı operatoryn qurý, aýyl sharýashylyǵy taýaryn óndirýshilermen kelisim boıynsha biryńǵaı tarıfti bekitý jáne arnalardy kútip ustaý jónindegi mindetterdi aıqyndaý;
2. Prokýratýramen, Tabıǵı monopolııalardy retteý Komıtetiniń Departamentimen jáne oblystyń memlekettik kirister departamentimen birlesip ÁKK qyzmetinde tekserýge bastamashylyq etý;
3. D. Qonaev atyndaǵy Úlken Almaty kanaly «Qazsýshar» fılıalymen birlesip, onyń múmkindikterin taldaýdy eskere otyryp, sýarmaly sý berý boıynsha sharýa qojalyqtarymen tikeleı sharttar jasasýdy qamtamasyz etý.
Sybaılas jemqorlyqqa qarsy qyzmettiń usynystary negizinde Almaty oblysynyń «Almaty oblystyq Sý sharýashylyǵy» kommýnaldyq kásiporny túrindegi biryńǵaı Sý sharýashylyǵy operatory quryldy. Onyń balansyna barlyq sýarý jelileri (shamamen 680 km) berildi.
D. Qonaev atyndaǵy Úlken Almaty kanaly 2023 jylǵa 1 m3 úshin belgilengen tarıfpen 0,7 teńgemen sharýa qojalyqtarymen tikeleı shart jasaı bastady.
Aıta keteıik, buǵan deıin D. Qonaev atyndaǵy Úlken Almaty kanaly men sharýalar arasynda sý beretin aýyl sharýashylyǵy kooperatıvteri (ÁKK) bolǵan, olar sýdy sharýalarǵa 1 gektar úshin 20 000 – 28 000 teńgege berip otyrǵan. Bul ortasha eseppen 2 teńgeden m3 úshin asady.