Almaty oblysynyń kásipkerleri az qamtylǵan otbasylarǵa kómek kórsetýde
Almaty oblysynyń Kásipkerler palatasynyń óńirlik jáne aýdandyq keńes músheleri, Qarasaı aýdanynyń kásipkerleri - Janna Jazyqpaeva, Ázim Abdýllaev, Janat Moldaǵulov jáne Asqar Ospanov halyqtyń áleýmettik jaǵynan osal toptaryna kómek kórsetti.
«Qazirgi ýaqytta biz kóptegen otbasyny azyq-túlikpen, turmystyq taýarlarmen qamtamasyz etýge tyrysamyz. Qarasaı aýdanynyń kásipkerleri osyndaı qıyn ýaqytta biz úshin qoldaý kórsetip, ún qatqany qýantady. Qazirgi ýaqytta 92 otbasyna kómek kórsetilip, muqtaj otbasylardyń tizimin qurýdy jalǵastyramyz», - dedi Qarasaı aýdandyq kásipkerler palatasy fılıalynyń dırektory Orynbaı Janádil.
Sondaı-aq, jaqynda Almaty oblysy Kásipkerler palatasy Óńirlik keńesiniń múshesi, «BilimInvest» bilim berý salasyndaǵy ınvestorlardyń ulttyq qaýymdastyǵy» jeke kásipkerler men zańdy tulǵalar birlestiginiń jetekshisi Kúlánda Batyrbekova Talǵar aýdanynyń otbasylaryna materıaldyq kómek kórsetti. Januıalarǵa azyq-túlik sebeti taratyldy. Budan basqa, qazirgi ýaqytta muqtaj azamattar úshin birinshi kezekte qajetti dári-dármekter jáne medıtsınalyq buıymdar satyp alynady. Onyń aıtýynsha, basqa aýdandyq qaýymdastyq bólimsheleri kópbalaly jáne az qamtylǵan otbasylarǵa kómek kórsetýde.
Sonymen birge, Alakól aýdanynyń kásipkeri, óńirlik keńes múshesi Dosan Karımov aýdannyń az qamtylǵan otbasylaryn unmen qamtamasyz etti. Muqtajdar úshin ol 3 mln teńge kólemindegi qarjyǵa un satyp alǵan.
